Bo teen die hange van ons mooi berge lê die Bergtuin Aftree Oord in Kloofstraat, net langs die Tehuis vir Bejaardes.
Hierdie fasiliteit bestaan uit 10 huisies, elk met 'n garage, 2 slaapkamers, een en 'n halwe badkamers en 'n oopplan kombuis en sitkamer.
Die doel van die huisies is soos volg:
* U koop 'n woonreg van die ACVV en hulle betaal weer die koopsom terug indien u in die Tehuis of Tehuis Woonstelle opgeneem word. Die huis word teen markverwante prys verkoop en indien daar 'n wins gemaak word, sal 50% van die wins aan u terug betaaal word.
* U bly nog altyd deel van die gemeenskap, maar indien u oornag verswak, is daar versorging beskikbaar.
Huidige dienste is:  * Etes; * Washuisdienste; * Kliniekdienste; * Haarsalon; * Vervoer; * Noodbed; * Skoonmaakdienste;
* Ontspanningsaktiwiteite; * Direkte Kerkuitsending na Tehuis.
Indien u belangstel om so 'n huisie te bekom vir u oudag, moet u aansoek doen sodat u naam op 'n waglys geplaas kan word. U word onder geen verpligting geplaas nie, u kan self besluit wanneer u gereed is om na die Aftree Oord te verhuis. Dit gee aan u gemoedsrus, sodat wanneer u lewensmaat alleen agter bly, hy/sy versorg sal wees.

Moenie uitstel nie, skakel ( 022-913 1228 en vra vir 'n aansoekvorm om op 'n waglys geplaas te word.

Die Piketberger se bladsye word elke maand deur 'n groepie vrywilligers van Huis AJ Liebenberg en Bergtuin Aftree oord inmekaargesit. Om die saak in perspektief te plaas, in een jaar word ongeveer 40 000 blaaie inmekaar geplaas.
Die redaksie bedank graag hierdie groepie mense wat elke maand so getrou hul deel tot die gemeenskap bydra.

Huis AJ Liebenberg se 40-jarige bestaansjaar word gevier op 10 September 2003 om 09:30 in die Tehuis. Persone wat betrokke was met die stigting, word uitgenooi asook die Voorsitters wat gedien het. Die geleentheid word saam met die Lente-tee gevier.