Jaargang 11  Nr. 6

www.piketberg.com

Junior Tennistoernooi, ACVV boemelaarsdans,
Eendekuil hou fees...p11
Sterre in Piketberg, Opkomende entrpreneurs...p.12

Dié pragtige meisie van Eendekuil met die suiwer stem sing al vandat sy vyf jaar oud is.  Sy  onthou hoe die gehoor dikwels gehuil het wanneer sy optree en hoe sy dan self huil-huil haar liedjie klaar gesing het.
As klein dogtertjie, met haar pienk rokkie wat haar ma spesiaal vir haar laat maak het, het sy verskeie optredes gehad.  Meer onlangs was sy 'n finalis in die Telilla kompetisie en in 2003 'n finalis in die Coca Cola Platteland Idol  kompetisie.
Intussen het Sharifa groot geword.  Sy is vanjaar in graad 12 by Steynville Sekondêr. 
'n Vriendin se ma het haar vertel van RSG se kompetisie en Sharifa was een van 100 000 deelnemers.
Dit was 'n groot oomblik toe Frits Klaaste van RSG haar by die skool kontak en al haar vriende agter haar in die sekretaresse se kantoor staan om die goeie nuus te kry.
In die laaste uitdunrondte is die top tien sangers in twee groepe verdeel en luisteraars kon deur "in te bel"  vir hul gunsteling deelnemer stem. Sharifa het in die tweede groep van vyf net voor die wenner uitgeval.  Voorwaar 'n puik prestasie. 
('n foto van Sharifa se ouers verskyn op bladsy 9)