|
rook, sowel as bier drink, en natuurlik is die Duitse bier baie lekkerder as Suid-Afrikaanse bier. Interessanthede oor Duitsland is dat jy op 'n roltrap regs moet staan as jy wil staan en links as jy wil stáp. Op die sypaadjies is rooi sones waar slegs fietse mag ry en jy dus nie mag stap nie. Die skool het dubbele ruite - teen die koue.
Ek het van 'n moderne kunsmuseum tot 'n middel-eeuse dorpie beleef. My gassuster het vir baie konserte geoefen en dan het ek alleen die bus gevat na Erlangen. Dit was ongelooflik om net alleen en rustig in 'n vreemde stad te loop, met mense wat orals fietsry en huisies met blomme voor elke venster om te bewonder. Hier het ek ook vriende gemaak met Cornelia van der Westhuizen, 'n Suid-Afrikaanse meisie. Sy het my op 'n toer geneem na Bamberg, Klein Venesië. Tussen die roostuine en ou kerke, kon ons toe ook heerlik oor Suid-Afrika gesels.
Ek was bevoorreg om 'n melkprodukte-fabriek te besoek en pragtige Duitse vriende te maak - oud en jonk. Natuurlik ook die ope-lug teater geniet en die storie van Annatevka, en ook 'n skoolproduksie deur 'n baie
bekende Duitse skrywer.
Ek het Duitsland ervaar as 'n baie veilige en skoon land met vriendelike mense en pragtige besienswaardighede. Hierdie hele besoek het heerlike herinneringe vir 'n leeftyd gelaat, en die geleentheid geskep om vriende vir 'n leeftyd te maak - Duits, sowel as Suid-Afrikaans. Ek is regtig baie dankbaar vir die geleentheid wat FSA en my ouers my gebied het.
Ich denke noch manchmal an Deutchland, aber Südafrika ist mein Heimat.
|
|
