Jaargang 11  Nr. 7

www.piketberg.com

Redaksioneel, Briewe van ons lesers, Huis AJ Liebenberg Basaar, Rita Greeff verlaat Piketberg, Saartjie veilig by die huis...p.2
Croeses cruise deur Amerika, Aurora Skou...p3
Vaardigheidsontwikkeling, Bloed vloei in kerk...p.4
Nuwe intrekkers...p.5
Uit Jannie se pen, Suid-Afrikaner val Duitsland binne,  Plant indigenous...p.6
Uitvinder in Piketberg...p.7
Ter herinnering aan Helena Albertyn, Boodskap uit die dode, Liebco ondersteun netbal...p.8
ABSA skenk komberse, Lekker hoender, Piketberg is populêr...p.9
Brons vir Grieks-Romeins, ABSA vier 10 jaar van demokrasie, Kanker-chemo-herstel...p.10
PHS 1971 matrieks hou reünie, Annelie Eksteen in Duitsland...p.11

Spieëltjie spieëltjie

Chané Van Zyl het gedurende die Junie vakansie aan die SA Model 2004 Kompetisie deelgeneem. Chané, wat saam met haar gesin vanaf Krugersdorp na Aurora distrik verhuis het, is 'n leerder in graad 9 aan Hoërskool Piketberg.
Vir dié landswye kompetisie moes Chané 'n gesig- en vollengte foto van haarself inskryf. Uit die meer as 1000 inskrywings is slegs 150 gekies om deel te neem aan die Gala-aand by Carnival City Johannesburg. Nie net is mooi lyfies en gesiggies beoordeel nie, maar is daar met elke deelnemer ook 'n onderhoud gevoer voor 'n paneel van verteenwoordigers van sewe modelagentskappe. Daarna is hard geoefen om alle passies in plek te hê vir die aand se glans en swier. Vir Chané was die blootstelling 'n groot onder-vinding en is sy dankbaar teenoor haar ouers vir hulle opoffering om dit vir haar moontlik te maak.
Lees gerus in dié uitgawe van ander PHS'ers wat gedurende die vakansie interessante ondervindings gehad het en hulle skool, dorp en land verteenwoordig het op sport- en kulturele gebied.