Budjie: 'n Voëltjie wat aan talle mense net plesier verskaf, is die budjie. Sy naam is afgelei van 'n Australiese inboorlingtaal - en voluit is dit budgerigar. Die budgeri beteken "goed" en die gar "papegaai". 'n Budjie is dus 'n goeie papegaai. Die vraag ontstaan hoekom hulle so dikwels "pollie" genoem word. 'n Poliglot is iemand wat baie tale kan praat. Oorspronklik is die budjie dus 'n poliglot genoem omdat hy so baie ander voëls kon namaak. Vandaar was dit maar 'n kort entjie na die verkorting "pollie".
Uit: Feite, flaters en fiksie - Anton Prinsloo